影片
更多
2024-01-26
572 瀏覽
2024年1月10日 星期三今晚老婆帶咗我去觀塘嘅呢一間餐廳食飯，因為網上面見到有串燒及網燒放題，食足2.5小時平日都只不過係$248，5位或以上一齊去仲可以食足3.5小時添去到發現餐廳其實唔係好大，大約有十幾張枱，但枱與枱之間有足夠距離，坐落去都幾舒服，而且每一張枱都有抽風機，所以着嘅衫完全唔會吸到油煙餐廳側邊有雪櫃擺滿咗飲品，可以自由取用，當中更有自家製菊花蜜、洛神花山楂茶同檸檬薏米水，正好可以用黎配合串燒食，令到冇咁容易熱氣，而且洛神花山楂茶酸酸甜甜幾開胃另一邊嘅凍櫃就擺滿左前菜、甜品同蔬菜，蔬菜方面瓜、茄子同菇都已經切好晒，方便拎嚟燒，而且金菇仲已經放咗喺錫紙兜裏面，一拎出嚟就可以放喺個爐上面燒，十分方便至於前菜，有麻醬豆腐同麻香油揚等等，無諗過腐皮同麻醬都幾夾，甜甜地幾開胃，仲有芝麻香添點餐係用網上落單，夠晒方便同準確，又有圖片可以見到，當中食物分開左自轉串燒、網燒同炸物，指示十分清晰，無論邊一個種類都有好多食物可以選擇，於是我哋每樣都要少少落單幾分鐘之後，食物就已經送上，呢一碟全部都係自轉串燒，因為食物已經插好晒一條條鐵枝，只要放上個爐指定位置就可以自己轉動，無論魚蛋、芝士
今晚老婆帶咗我去觀塘嘅呢一間餐廳食飯，因為網上面見到有串燒及網燒放題，食足2.5小時平日都只不過係$248，5位或以上一齊去仲可以食足3.5小時添
去到發現餐廳其實唔係好大，大約有十幾張枱，但枱與枱之間有足夠距離，坐落去都幾舒服，而且每一張枱都有抽風機，所以着嘅衫完全唔會吸到油煙
餐廳側邊有雪櫃擺滿咗飲品，可以自由取用，當中更有自家製菊花蜜、洛神花山楂茶同檸檬薏米水，正好可以用黎配合串燒食，令到冇咁容易熱氣，而且洛神花山楂茶酸酸甜甜幾開胃
另一邊嘅凍櫃就擺滿左前菜、甜品同蔬菜，蔬菜方面瓜、茄子同菇都已經切好晒，方便拎嚟燒，而且金菇仲已經放咗喺錫紙兜裏面，一拎出嚟就可以放喺個爐上面燒，十分方便
至於前菜，有麻醬豆腐同麻香油揚等等，無諗過腐皮同麻醬都幾夾，甜甜地幾開胃，仲有芝麻香添
點餐係用網上落單，夠晒方便同準確，又有圖片可以見到，當中食物分開左自轉串燒、網燒同炸物，指示十分清晰，無論邊一個種類都有好多食物可以選擇，於是我哋每樣都要少少
落單幾分鐘之後，食物就已經送上，呢一碟全部都係自轉串燒，因為食物已經插好晒一條條鐵枝，只要放上個爐指定位置就可以自己轉動，無論魚蛋、芝士竹輪卷、腸類，甚至唔同嘅肉類都好新鮮，而且每一舊都唔算太大，方便燒熟嘅同時又方便進食
每一串串燒都自己轉動，完全唔需要擔心幾時會燒焦變黑，只需要安心靜待熟透嘅時候就食得，真係好方便，仲有可能唔係使用炭爐嘅關係，感覺唔係太大油煙，食落去好放心
啲肉比起平時要耐一啲時間先熟，咬落去都唔韌，牛肉粒幾重牛肉味，芝士竹輪卷都幾有驚喜，燒完之後裏面嘅芝士會慢慢溶化開，有少少拉絲嘅效果
另外餐廳每一位客人都會送一份蒜蓉帆立貝，差唔多有成隻手掌咁大，上面鋪滿蒜蓉，燒完之後仍然好大隻，肉質幾彈牙，每一啖都食到蒜蓉香味
我哋仲點咗魚片頭、豆卜同大蝦，其中最驚喜嘅係豆卜，因為燒完之後咬落去真係脆卜卜，十分脆口，而且豆味幾濃郁，而大蝦燒完之後好容易就可以拆開蝦殼，肉質彈牙，一啲都唔霉，最後我哋再encore要多咗幾隻
最後仲有清酒煮蜆可以點，酒味唔算太濃，所以唔鍾意飲清酒嘅人都食得，而且蜆嘅份量都幾多，我食落去每一隻都食唔到有沙，證明都清洗得幾乾淨
張貼
