定食 Doraya (駱克道)

營業中

休息中

今個月係我生日，因為肺炎關係，朋友約早d黎同我食生日飯，我揀左呢間定食Doraya食。呢間多數要排好耐，今日星期五，7點鬆d到，都排左半個鐘。朋友話今次算快架啦，之前排得仲耐。入到去，終於明白點解要排隊，因為入面座位好少。我地4個各自都係揀自選丼定食，均配味噌湯、茶碗蒸、小菜同漬物。我揀左藍鰭吞拿魚赤身、甜蝦同帆立貝。帆立貝最好食，肥美鮮甜。藍鰭吞拿魚赤身同甜蝦都係中等水準而已。朋友揀左帆立貝、油甘魚同三文魚子。佢話三文魚子最好食。朋友揀左生海膽、香蔥藍鰭吞拿魚蓉同甜蝦他他。佢話次次都係呢個組合，不過份量明顯細左。朋友揀左三文魚、甜蝦同帆立貝。佢覺得唔錯。