鉄火堂 (登打士街) (已結業)

鉄火堂都係懲罰餐廳嘅其中一間。佢可以俾你任揀刺身配搭唔同嘅飯，包括香菇飯/薑味飯/或者壽司醋飯等等。刺身方面呢都叫做新鮮，不過冇一種好驚喜到我嘅感覺，另外叫咗象拔蚌刺身，本身期待佢成塊厚切咁上，但餐廳將佢變成條狀，口感即刻有分別。於我而言，我覺得個飯底仲吸引過刺身。當日叫咗薑味壽司飯，薑味都幾重帶有少少薑絲，而且個飯比常溫凍少少，拿捏得相當唔錯！一個刺身飯當然滿足唔到我個肚仔啦，所以同朋友再叫多咗一個虎蝦刺身沙津，虎蝦好冰凍，仲淋上左酸酸地嘅醬汁（有啲似泰國風味），十分開胃！不過聽聞午市套餐或者下午茶會比較抵食少少，等我有機會下次試吓先！