影片
更多
2021-07-05
2252 瀏覽
唔去過都唔知道，原來鰂魚涌有好多外賣小店，今次就比呢間A Bowl吸引住，藍白色嘅裝修風格令人聯想到希臘嘅聖托里尼島，好舒適休閒嘅感覺。始終主要都係做外賣生意，所以店舖空間比較小，堂食嘅位置只有兩個。無處不在嘅餐牌好可惜當日放工之後去到已經冇咗Unforgettabowl同埋Fishbowl，連三文魚都係得返最後一份咋，遲少少都冇。既然係咁我就決定自選食材啦，餐牌寫得非常清晰，醬料果方面如果心思思決定唔到，可以問吓店員邊種同自己揀嘅嘢最夾。下午茶Menu都好似好正咁。覺得一碗飯唔夠飽嘅仲可以睇吓呢個加配餐牌。落咗單之後就開始執我個飯，可以全程望住，咁就唔使驚會漏單啦。壽司飯配三文魚，其他配料有牛油果、焦糖蘋果、南瓜紫薯蓉沙律，醬汁方面配左櫻花蝦芝麻醬，成個飯好Fresh，三文魚粒粒都好肥美大粒，好新鮮，牛油果切咗一片片，好軟熟同三文魚嘅味道好夾，南瓜薯蓉沙律有微微嘅甜味，都好飽肚。另一款揀咗秘製Fusion新竹米粉，感覺同普通米粉差唔多，而個手切烤焗封門柳好抵讚，肉質好軟，而且有肉汁，配埋米粉食唔會覺得乾。另外配料仲有炒雜菇同山藥芥末八爪魚，略嫌八爪魚有啲少，不過都好夾個米粉。仲配埋兩
始終主要都係做外賣生意，所以店舖空間比較小，堂食嘅位置只有兩個。
無處不在嘅餐牌
好可惜當日放工之後去到已經冇咗Unforgettabowl同埋Fishbowl，連三文魚都係得返最後一份咋，遲少少都冇。
既然係咁我就決定自選食材啦，餐牌寫得非常清晰，醬料果方面如果心思思決定唔到，可以問吓店員邊種同自己揀嘅嘢最夾。
下午茶Menu都好似好正咁。
覺得一碗飯唔夠飽嘅仲可以睇吓呢個加配餐牌。
落咗單之後就開始執我個飯，可以全程望住，咁就唔使驚會漏單啦。
壽司飯配三文魚，其他配料有牛油果、焦糖蘋果、南瓜紫薯蓉沙律，醬汁方面配左櫻花蝦芝麻醬，成個飯好Fresh，三文魚粒粒都好肥美大粒，好新鮮，牛油果切咗一片片，好軟熟同三文魚嘅味道好夾，南瓜薯蓉沙律有微微嘅甜味，都好飽肚。
另一款揀咗秘製Fusion新竹米粉，感覺同普通米粉差唔多，而個手切烤焗封門柳好抵讚，肉質好軟，而且有肉汁，配埋米粉食唔會覺得乾。另外配料仲有炒雜菇同山藥芥末八爪魚，略嫌八爪魚有啲少，不過都好夾個米粉。
仲配埋兩杯熱飲，好養生
張貼
