Primo (已結業)

收工同朋友去試左間新開既餐廳，性價比都算唔錯，人均200蚊有找。我地嗌左Parma ham做小食，賣相好靚好精緻，食落都好開胃，好岩做飯前小菜。之後主食我地嗌左卡邦尼意粉同煙三文魚pizza。個意粉我地揀左緞帶麵，麵質煙韌，好掛到汁，睇得出廚師好有心機整個意粉，我同朋友都一致覺得意粉好好味，同出面食到既卡邦尼完全唔同！另外個pizza 底焗得好脆，加上有啲芒果醬同菠蘿粒，成個口感好襯，食落好fresh。美中不足既係，店舖地址係兩個地鐵站中間，要行數十分鍾先到。