阿麥廚房 (已結業)

契妹今次回港，感覺上逢星期三晚都會搵小肥契哥食飯，唔知同週三賽馬日有冇關係呢 ？！尋晚我地兩個原本諗住走去銅鑼灣條甜品街度掃一掃啲甜品店，後尾都係覺得甜品唔夠飽肚，所以就去咗隔離街，揀咗間望落都幾好坐，而又有啲名氣o既「阿麥廚房」。「阿麥廚房」屬港式西餐廳o既升呢版，室內裝修雖然簡單，但可能樓底夠高，白色同紫色o既牆身配上水晶吊燈仍可散發出一份雅麗o既氣質。 二人被安排入座拍牆一邊o既四人散座，空間都好足。食店晚市做套餐為主，當中頭盤及湯品可選沙律及例湯，但亦可以加錢升呢 。最終價錢則由所選取o既主菜而定。升呢頭盤之大蝦占米多（另加$58）：蝦肉好夠爽脆，調味入面加咗咸蛋黃煮製個味都好出。升呢湯之黑松露菌忌廉湯（另加$38）：大大碗忌廉湯一啲都唔溜，菌味清香濃郁，小肥勁鍾意入面啫喱狀o既粒粒 ，如果個湯可以再熱少少就更加好。燒紐西蘭肉眼（$168/七安士）：XO仔食西餐好少會揀牛扒，不過因健康理由要避免進食澱粉質，所以就應營養師建議，食西餐時主菜盡量點食肉類 。牛扒肥膏唔多，肉質都OK軟腍，而且好彩夠薄，因為都好大塊吓，$168算係唔錯。港式西餐廳黎講，「阿麥廚房」環境算係咁