影片
更多
2014-04-27
1303 瀏覽
早前o係網站見到尖沙咀 iSQUARE 有間薄餅店團購,當時見 OpenRice 冇資料,可能係新開張關係啦,佢地上星期正式開張,前晚我同朋友就黎呢間薄餅店晚餐由於商場設計關係,大部份餐廳都o係 iSQUARE 較高樓層,商場內升降機唔太足夠,要等好耐時間上落,使用扶手電梯又好似要行晒大半個商場咁樣,若果趕時間真係唔方便呢間餐廳位於7樓最入位置,我地大約6:45pm 去到,或者新開張關係,只得幾張枱客人,原來薄餅店係有o的似快餐形式,自己搵位,自已排隊買野食及俾錢,自己拎餐具等,所以唔洗收加一服務費我地先排隊落單,呢間薄餅店賣點係自選獨一無二o既薄餅,因為餡料由客人自己決定,一個薄餅係13吋,唔會分細批或者大批,亦都冇薄批或者厚批選擇,若果落三款材料係$108,選擇要六款係$148,另外買一個薄餅送汽水,仲可以無限添飲最初我地諗住每人要一個三款餡料薄餅,後來選擇要二人晚市套餐$248,包一個薄餅,兩份餐湯,一份沙律或薯條及兩杯汽水,茶或咖啡當晚可供選擇o既餡料大約有25款,對於選擇有困難o既人係會覺得花多眼亂,店員話意大利傳統薄餅o既餅底只得一塊皮,唔包蕃茄醬及芝士,若果客人o既薄餅要
由於商場設計關係,大部份餐廳都o係 iSQUARE 較高樓層,商場內升降機唔太足夠,要等好耐時間上落,使用扶手電梯又好似要行晒大半個商場咁樣,若果趕時間真係唔方便
呢間餐廳位於7樓最入位置,我地大約6:45pm 去到,或者新開張關係,只得幾張枱客人,原來薄餅店係有o的似快餐形式,自己搵位,自已排隊買野食及俾錢,自己拎餐具等,所以唔洗收加一服務費
我地先排隊落單,呢間薄餅店賣點係自選獨一無二o既薄餅,因為餡料由客人自己決定,一個薄餅係13吋,唔會分細批或者大批,亦都冇薄批或者厚批選擇,若果落三款材料係$108,選擇要六款係$148,另外買一個薄餅送汽水,仲可以無限添飲最初我地諗住每人要一個三款餡料薄餅,後來選擇要二人晚市套餐$248,包一個薄餅,兩份餐湯,一份沙律或薯條及兩杯汽水,茶或咖啡
當晚可供選擇o既餡料大約有25款,對於選擇有困難o既人係會覺得花多眼亂,店員話意大利傳統薄餅o既餅底只得一塊皮,唔包蕃茄醬及芝士,若果客人o既薄餅要蕃茄醬及芝士就當係選左兩款餡料
最初我地以為套餐個薄餅只可以選三款餡料,就要左辣o個款蕃茄醬,藍芝士及莎樂美腸,原來二人套餐薄餅係可以選六款餡料,咁我就要埋橄欖,蘑菇及火箭菜
店員拎塊餅皮出黎,先淋上辣蕃茄醬,再加藍芝士及其他配料,之後就放個薄餅入焗爐,呢個焗爐有條輸送帶,客人可以睇住薄餅由一邊放入個焗爐,烘過薄餅再由另一邊出返黎
等候薄餅烘焗期間,店員俾左我一塊印左號碼o既木板,薄餅出爐會叫號碼,我覺得呢o的都係玩得意新奇野,塊木板號碼牌都唔輕,其實薄餅店可以就咁印埋落單號碼o係收據上
除左呢個薄餅餡料要選擇之外,我地要選擇食沙律抑或薯條,問過店員薯條係粗薯條,至於沙律可以選擇放o係雪櫃o既一盒沙律,三款沙律價錢由$42-$55,我地選左要一盒沙律飲品方面,朋友本來想另外俾錢買啤酒飲,見到餐牌有意大利生啤 Peroni $58,但係餐廳仲未申請到酒牌,所以仲未賣得啤酒,咁我地兩個都係要汽水,因為可以無限任飲
二人晚市套餐本身係$248,今次團購優惠係可以用$50買一張價值$100 coupon,薄餅店冇限大家用幾多張 coupon,之前我o係網站買左3張 coupon,若果用2張 $100 coupon 就要補$48,咁不如買多盒沙律用多張 coupon,咁樣買法更加化算
等左大約5分鐘,薄餅就新鮮出爐,我地要將野食及飲品拎返張枱
之後去拎餐具,紙巾及調味料
然後就係好玩o既時間,自己斟汽水,若果去便利店買紙杯裝汽水,都係要自己到汽水機自己斟,呢間薄餅店唔同地方係汽水機旁有個放左冰粒o既箱,大家可按個人喜好,拎住個剷去剷o的冰粒放落紙杯
餐湯係雜菜湯,有蕃茄,西芹,洋蔥等材料,最特別係落左紅腰豆,味道適中,唔會太濃或者太淡,稍嫌比較細杯,因為只係得半杯普通熱飲杯份量
薄餅係13吋闊,一般薄餅係切開四塊或者八塊,但係佢地係切開六塊,由於有部特別機器切薄餅,所以六塊薄餅切出黎都差不多大細,唔會有o的大塊有o的細塊
批邊烘得幾脆,唔會烘燶,辣蕃茄醬出奇地好,可以提升食慾,藍芝士幾濃味,亦都為薄餅帶黎鹹味
朋友問我個薄餅選左乜野餡料,數到得五款,印象中仲有火箭菜,但我地見唔到食緊o既薄餅有呢款餡料,唔通o的火箭菜焗完後整碎左? 抑或店員冇加到落去呢? 火箭菜應該係苦苦地有o的燶味,記得薄餅放入焗爐前,店員係放左o的火箭菜o係薄餅上面,究竟有冇落火箭菜真係一個謎!朋友好鍾意落橄欖油,落左唔少o係薄餅及沙律上,橄欖油成本較貴,呢間薄餅店都俾客人任落,值得一讚
廚師沙律配一杯千島醬汁,內有兩款芝士,車厘茄,多款生菜,紫椰菜,黃椒絲,火腿絲,甘筍絲等材料,都幾新鮮
至於凱撒雞沙律係配一杯凱撒沙律醬,內有多款芝士,焗麵包粒,羅馬生菜,烤雞肉等食材,味道清新
汽水真正無限任飲,前後我去汽水機斟左三次汽水,店員都唔會介意客人飲咁多汽水
餐廳環境都算輕鬆舒適,落地大玻璃,若果日間會有陽光o係窗外射入黎
店員態度尚算有禮,對於客人查詢食物款式及價錢都耐心解答,由於俾客人自己揀薄餅餡料幾花時間處理,店員都會向下一位客人表示歉意呢間薄餅店若果日後能夠賣埋意粉,相信會更加好,令客人有更多選擇
今次呢餐係好抵食,用三張 coupon 唔洗補錢就有得食有得玩,平均每人只係$75
客人可以要一個度身訂造o既薄餅,又可以透過開放式廚房睇到薄餅製作過程,本身個二人餐都夠食,其實係可以要少一盒沙律,日後有團購都會再幫襯!
張貼
