尚上下夏 - 養生雞煲火鍋 (已結業)

小編就最鍾意食雞煲， 而小編最近新寵就莫過於尖沙咀山林道嘅「尚上下夏」， 雞煲嘅特色之處係可以選擇雞嘅不同部位， 全隻或半隻，雞脾肉或雞胸肉，或兩溝都有！😏 鐘意食嫩滑雞肉嘅食客梗係揀淨雞脾肉啦！ 鐘意啖啖肉嘅就要揀雞胸肉啦！😂 餐廳裝潢以懷舊香港🇭🇰為主題， 簡約嘅裝修，大排檔嘅檯櫈，gas爐嘅火鍋， 就最能體現香港大排檔風味啦！😆 鍾意食嫩滑雞肉嘅小編梗係揀淨雞脾（半隻）（$159）啦， 一睇就知道雞煲有幾足料！ 加入大量洋蔥和芫茜，香氣四溢～ 辣度要左小辣， 但已經夠晒麻，夠晒香， 而且雞煲越食越辣～🌶 雞煲比較乾身， 雞件嫩滑入味，麻辣惹味！😋 豬皮吸晒雞煲嘅醬汁，正！ 食完雞煲之後， 就可以選擇不同湯底打邊爐啦！ 美國🇺🇸桶蠔（$169） 一份有四、五隻「巨型」桶蠔， 每隻都有一隻手掌之大✋🏻～👀 只看貝柱有成粒波子咁大，便知道桶蠔絕對唔惹小😏！ 桶蠔好新鮮，洗得乾淨，沒有多餘嘅腥味， 肉質肥美鮮味，值得一試！😋 自家製即炸響鈴（$59） 一份響鈴有7-8條，份量好慷慨呢！ 而且全部即叫即炸，香脆可口。