鉄火堂 (登打士街) (已結業)

相約妹妹撐枱腳，係旺角周圍行睇下有咩好食，天口熱又唔想食得太heavy，行過又見呢間有位，就決定係佢啦。睇餐牌見有預設既魚生飯同自選款式，其實幾特別，可以選擇自己鍾意佢刺身。我地就選擇左自選，佢係$10一個醋飯底，再有唔同價錢既刺身選擇。我地叫左一板加拿大海膽，算新鮮厚肉，但係跟四州紫菜有d怪怪的😅所以完全無開過。其他配料我地仲揀左藍鰭中拖羅、油甘魚、劍魚腩同象拔蚌。大致刺身尚算新鮮，中拖羅都係有些少酸，醋飯反而唔太有醋味。生蠔都幾甜，size正常。呢個蟹籽沙律就比較大兜，食晒都幾飽，一大堆蟹籽足料的。