影片
更多
2018-09-27
370 瀏覽
因為要相約好友交收東西，又見好耐冇一起食晚飯，咁就不如揀個中間點交收順便食個晚飯啦～平時行開朗豪坊都成日經過呢間嘢，見到啲人好多都點一個摩天輪形嘅小食拼盤，但係一直都無試過～咁就同朋友提議試下呢間啦～去到大概7點，都開始多人，侍應都話要等一等～大概等咗十分鐘度就比我哋入去坐啦～原來呢間主打係食意粉薄餅類嘅～佢個薄餅比較特別～可以自選餡料同埋pizza醬～既然咁少有可以自選餡料～咁梗係先點一個自選pizza～點自選pizza好似車仔麵咁～比張紙同筆你自己揀～佢連芝士都有幾款可以選擇！呢個就係我哋嘅自選pizza啦～我見到佢有叻沙醬但係今次決定先試一下海鮮醬，然後加咗巴拿馬火腿，燒鵝，菇，火箭菜同埋水牛芝士～呢個配搭聽落去都幾...奇妙～但係有得揀無理由揀得咁正路㗎嘛！梗係試下自己mix下啲fusion嘢可能會有意想不到嘅收穫呢～個pizza好快就上到～熱辣辣～一望，係薄批嚟嘅，上面鋪滿咗好多巴拿馬火腿！而火腿下面係好多舊燒鵝～中間夾著芝士同埋菇同埋火箭菜～試一下呢個奇妙嘅配搭～又出奇地好食喎！個燒鵝肉厚但係都算嫩滑～原來個海鮮醬唧喺平時點燒鵝果種甜醬...所以絕對無違和感～我總覺得自己似
平時行開朗豪坊都成日經過呢間嘢，見到啲人好多都點一個摩天輪形嘅小食拼盤，但係一直都無試過～咁就同朋友提議試下呢間啦～
去到大概7點，都開始多人，侍應都話要等一等～大概等咗十分鐘度就比我哋入去坐啦～
原來呢間主打係食意粉薄餅類嘅～佢個薄餅比較特別～可以自選餡料同埋pizza醬～既然咁少有可以自選餡料～咁梗係先點一個自選pizza～
點自選pizza好似車仔麵咁～比張紙同筆你自己揀～佢連芝士都有幾款可以選擇！
自選pizza
22 瀏覽
0 讚好
0 留言
呢個就係我哋嘅自選pizza啦～我見到佢有叻沙醬但係今次決定先試一下海鮮醬，然後加咗巴拿馬火腿，燒鵝，菇，火箭菜同埋水牛芝士～呢個配搭聽落去都幾...奇妙～但係有得揀無理由揀得咁正路㗎嘛！梗係試下自己mix下啲fusion嘢可能會有意想不到嘅收穫呢～
個pizza好快就上到～熱辣辣～一望，係薄批嚟嘅，上面鋪滿咗好多巴拿馬火腿！而火腿下面係好多舊燒鵝～中間夾著芝士同埋菇同埋火箭菜～試一下呢個奇妙嘅配搭～又出奇地好食喎！個燒鵝肉厚但係都算嫩滑～原來個海鮮醬唧喺平時點燒鵝果種甜醬...所以絕對無違和感～我總覺得自己似食緊燒味XD另外個巴拿馬火腿鹹香味幾重，混埋芝士一起食又幾夾～結論係呢個9唔答8嘅配搭出奇地唔難食！
食完pizza之後我哋再點多一個沖繩肉醬幼繩意粉～
沖繩肉醬幼繩意粉
$88
20 瀏覽
0 讚好
0 留言
最特別係個幼繩意粉～有啲似厚肉版嘅螺絲粉，食落口都幾有口感～個肉醬就無咩特別，同大家樂嘅肉醬意粉差不多～不過佢個幼繩意粉都索到好多汁所以食落一啲都唔dry~
最後點多一個蒸松露蝦粉包～
蒸松露蝦粉包
$125
16 瀏覽
0 讚好
0 留言
睇個名又係完全想像唔到係啲咩所以叫咗，來到之後第一個感覺係：咁越南蒸粉包咁嘅？事實又真係越南蒸粉包咁..佢仲要比埋豉油你點，有一剎那覺得自己其實叫咗鮮蝦腸粉嚟食～基本上呢一個冇咩黑松露味，都真係好似鮮蝦腸粉咁...收$128一碟真係有啲貴同唔值.....蝦只係普通嘅雪藏急凍蝦，無咩蝦味同唔太彈牙～
呢間嘢整體嚟講不過不失，最好食都係佢個自選pizza如果再嚟可以試下其他配料～
張貼
