泉昌美食 (已結業)

途經灣仔巴路士街必會聞到陣陣臭豆腐味道，總被佢吸引、留下腳步一飽食慾 。$10有兩大舊，表面炸到蜂巢狀非常鬆脆，裡面豆腐軟身，一啖有兩種口感，海鮮甜醬、豆板醬係臭豆腐嘅最佳拍檔，增添惹味。 所謂「臭」味其實係聞落有味食落唔覺，所以不好此物嘅朋友都可接受，仲食得津津有味。$10五件煎釀三寶，大大件好抵食。「魚肉」平均放於每件青椒、茄子上，咬落煙煙韌韌味道唔錯。其實泉昌嘅沙爹螺肉、魷魚都好受歡迎，好快賣完咖。