鼎皇臭臭鍋 (已結業)

行開尖沙咀見到有間臭臭鍋新開張，又幾抵咁，就入左去一試～入到去環境都唔錯，唔會話太迫，一人一鍋至緊要枱夠大！餐牌都幾多選擇，除左招牌臭臭鍋之外，仲有啲藥膳鍋或者麻辣鍋！野飲小食都唔少選擇架，野飲方面聽講係請咗個台灣員工返黎沖添～我地叫左個蕃茄鍋同麻辣鍋～蕃茄鍋入面都幾多料 多菜得黎又有金菇 魚丸 最特別既係有鵪鶉蛋！湯底都幾濃郁 啲支竹吸哂味都幾正！另外，佢仲有個福袋，入面好似流心芝士咁！都幾正！朋友就叫左個麻辣鍋！叫左小辣，唔食辣既人都可以試下，都唔太辣！配料有黑米糕，都幾特別，咬落口幾煙韌！大家黎到一定要加錢飲珍珠奶茶！沖得好好飲！不過我諗少甜就得！