遇見花蓮

營業中

休息中

今日放左工又唔想咁早返屋企對住四面牆，就約左閨蜜去北角食晚餐。黎到呢間餐廳都幾有特色就入去試下啦。首先叫左個小食墾丁脆魚塊(5件），呢個炸到金黃色賣相都唔錯，外脆內軟，一啖一口，非常過癮。跟住點左個慢烤雞腿起司蛋吐司，呢個份量都幾足料，太陽蛋配烤雞，非常好味，睇見都流晒口水，食落重有驚喜，真係幾不錯既選擇。主食方面就叫左鹽酥雞滷肉飯，賣相同台灣料理一樣，係香港都可食到正宗台灣美食，真係好感恩。味道都唔錯。之後叫多個花蓮一品臭臭鍋小辣配薯粉，好大陣臭豆腐，識食一定係食佢，食起非常金香。勁大個鍋份量十足。都係唔錯既選擇。飲品方面就選左鮮奶芋泥手工芋圓，下面有好多芋泥，口感一流。最後叫多杯鮮奶紅豆手工芋圓，底層好多紅豆同芋圓，唔算好甜，容易入口。芋圓味道都唔錯，值得一試。