Olive Cafe (新領域廣場) (已結業)

Olive牛扒200g($85)。價錢較西冷平，大件夾抵食。美國極黑毛豬200g($110)比較多脂肪。但食落油香四溢，汁多肉嫩。如果豬肉太瘦就會嚡口，因為有脂肪，令肉食落唔會乾。熱檸茶用左Lipton紅茶，茶夠紅，淨係睇個茶色已經知道茶嘅濃淡程度。紅茶濃淡適中，檸檬香而酸，唔會有苦味。侍廳上檸檬茶嘅時候同糖一次過上，方便食客自行調味。個人覺得檸檬茶唔使落糖已經夠味。見到有夏日桃膠特飲想試下就嗌左士多啤梨四季春。飲到最尾就會見到最士多啤梨籽。有桃膠同杞子，好滋潤呀。試到有淡淡嘅四季春茶味。總括黎講，呢間餐廳無論環境同食材質素都好高，最重要係呢度免加一！喺邊度搵！