Pho Bar (已結業)

一直以嚟都好鍾意呢間pho bar，好耐冇嚟食過，今次就分享一吓。今日2點半嚟到，唔逼人，坐得舒服~至尊 ($98)貪心嘅我唔洗諗梗係食至尊，有齊牛腩、牛𦟌、牛丸、美國牛肉、牛栢葉及扎肉。牛肉肉味濃郁，湯底顏色清澈入味，而且一啲都唔油。仲可以按照個人口味加減薄荷葉、金不換、芽菜及最重要嘅炸蒜！最鍾意食炸蒜，去其他地方食野落單嗰陣指明要多炸蒜但總係冇人理，但喺呢度啲蒜量非常慷慨！金邊粉口感彈牙，而且夠晒有份量，2點幾3點開始食，真係飽肚到夜晚！