食嘢 (已結業)

比較少到太和，但原來這裡有很多餐廳小店，價錢合理，味道又好。下午茶時段都有很多小食的選擇，以咖哩食品較多，貪食的我就選了拼盤，友人即要漢堡包，我們分著食。食嘢至尊拼盤 $68，有五款食物，其實都好大盤，好超值抵食。包括有油酥餅、炸薯角、什菜餅、沙律及黑椒蜜汁雞翼，還有咖哩。黑椒蜜汁雞翼超級好味，好濃黑椒香，但又不辛辣，蜜糖甜甜地令雞翼層次提升，必食之選。什菜餅好重香料味，清淡味道，卻香味濃重，餡料很多還有腰果碎很香很脆口。油酥餅好鬆化煙韌，沾咖哩同食，滋味百倍，咖哩夠香夠惹味濃稠，而且不辛辣也不太咸。薯角有紅椒粉提味，也炸得超脆，質感粉綿。印度拉茶 （套餐加$20），好滑好濃，有如港式茶記的奶茶一樣，香、濃、滑。甜度剛好，份量再多更好。原來諗住有重香料味，但飲是沒什麼香料味。皇家芝士漢堡 $39，估不到的又細又薄身，感覺不夠份量。但有沙律已不錯，醬也用很多。中間的餡是煎魚肉餅，夾蕃茄、沙律菜及沙律醬。麵包用買來的芝麻包，夾薄薄的料更不夠吸引。魚肉餅原身一點更好，但份量剛好，又不油膩。兩份餐都有沙律，用日式芝麻醬汁，味道好食但冇咩驚喜。沙律菜乾淨，質感爽脆，配酸酸地又香的醬汁，的確很開胃