味皇小廚餐廳 (已結業)

加班，今次叫我至愛咖哩牛腩長通粉配羅宋湯，熱菜蜜（$45）今次比較快送到，個長通粉來到時係熱到辣手！面頭嘅芝士半溶，撈埋又濃又香咖哩汁，咖哩不辣，裡面有牛腩，牛腩炆得入味，唔嚡，有幾舊連埋筋膜，仲有薯仔，同樣炆得入味！同長通粉一齊食，好滿足！（呢個係晚餐餐單內每晚必有）唯一唔好係好油，因為長通粉唔吸油，所以食完會見到盤底全部都係油羅宋湯一向有保證，夠熱，份量亦無上次咁少，內有大量蔬菜，又香又濃！熱菜蜜，因為正常嘅太甜，通常我會加熱水一開二，自製少甜，味道正常！