The Lounge

營業中

休息中

老友想去食hightea，本身我high tea好一般，但係老友想食，就捨命陪君子，不過佢就要就我揀邊個主題，我好鍾意食蜜瓜，出面以蜜瓜為主題嘅high tea亦都唔多，四季酒店有所以都冇其他選擇。食得high tea，個scone 好唔好食係好緊要㗎，四季嘅Scone甜度適中，又香又鬆軟，會買自家細嘅cotted cream，食到唔停得口，暫時香港裏面我食過嘅scone，佢好食過半島酒店，不過就差過Rosewood少少。至於其他鹹點甜點，下面我有menu嘅相，我就唔逐款介紹，只講特別想分享嘅。基本上每一款鹹點都非常之出色，無論係迷你漢堡包或者蜜瓜火腿。但係點都估唔到最出色嘅竟然係蛋沙律三文治，佢個多士外脆內軟，麵包味好香，驚喜嘅係佢加咗一啲趣豬肉碎，味道鹹香，將泉個三文治嘅味道同埋口感都提升到去另外一個層次。反而我最期待嘅蜜瓜甜點有啲令人失望，我本身已經好鍾意食甜嘢，但係佢啲甜點連我都覺得過甜。而重點嘅水信玄餅配網紋蜜瓜，個蜜瓜係冇味嘅，唔香亦唔甜，真係接受唔到呢個水準。本身包嘅係茶包茶，可以無限量加水，但係我唔鍾意飲茶包，所以另外加咗錢要佢嘅紅棗桂圓茶，甜甜地好滋潤，真係冇加錯錢。