慈雲山小食館 (已結業)

兒時回憶。其實我帶過好多人黎食 反應都是好一般。覺得點解會食埋d咁唔健康既野。哈哈 但是中學讀左七年 食足七年 真是好有感情。每次必食 老蛋和老柴。其實只係將魚蛋同腸仔炸到好熟 外面脆脆硬硬。口感好特別。粉仔亦是至愛 銀針粉配上蔥 冬菜冬菇 簡簡單單 街坊味道。雞翼尖 我一次可以食兩三碟 煮得好入味。什錦 有蘿蔔豬紅豬皮生菜 重點係配上佢地秘製沙爹汁。正。每次黎 都必飲聯合國一杯。其實只是將唔同味道的汽水撈埋做一杯。其實煮法同食物 真是好普通 但我始終定時定候會黎懷緬一下。