School Food (已結業)

天氣熱到咁，街出條街就出曬汗，乜食慾都無曬！今日終於忍唔住去左食一路心思思想食嘅水冷麵！校園花卷〔牛肉〕$75每次食School Food都會叫個壽司食，今次叫個未食過既～校園花卷個樣非常吸引！薄薄的蛋皮先包住一塊芝士，再包住壽司，入面既醬燒牛肉都非常入味，個醬汁好惹味！加分位：每個壽司🍣既飯都唔會太多，味道又剛剛好，唔太硬又唔太淋！另外仲叫多左個小食：脆脆炸雞伴青瓜沙律$78炸雞🍗分量都多，雞肉都頗嫩滑，係唔夠熱，如果熱小小上枱就好了！青瓜沙律上面有少許韓國🇰🇷辣醬，幾特別。我最愛既水冷麵$72用牛骨冰湯做湯底，夠曬凍！酸酸辣辣既湯，非常開胃！麵線既質地比較煙韌，上枱時店員會幫助剪開幾份，食既時候就會易夾的！每次食都覺得食極都唔夠，愈食愈開胃！正！最後兩杯飲品：水漾鳳梨🍍沙冰$33賣相100分，水果做配料，一啲都唔Hea！不錯，夏天果然要飲沙冰解熱！夠薑檸蜜〔凍〕$32呢杯薑汁味都頗重，其他無乜特別。SchoolFood既餐牌一直都係用報紙海報咁既形式，好特別的風格。