清心齋 (已結業)

平時太趕唔夠時間買嘢食填肚，我都會買幾舊糕點擺喺袋裏邊，隨時隨地可以食。位於沙田嘅呢間齋舖，一向我都幫襯開。我最鍾意佢嘅豆腐花係呢度嘅招牌，佢採用左有機黃豆，而且每日新鮮製作，我最鍾意嗌碗，熱辣辣豆花夠晒香濃豆味，非常滑嫩。紅豆糕同馬豆糕味道都正，馬豆糕出邊比較少有，佢整得香甜又好味，椰汁味好出，口感綿綿的。另外紅豆糕真係有好多紅豆，豆香又夠，食完成舊都唔會覺得甜膩，足料又夠健康，咁好食我會一次過買多啲。另外仲有香芋糕，外表夢幻紫色，有好多芋泥同芋粒，口感似慕絲，入口夠軟滑溜，係女仔最鍾意食嘅糕點。