鳳城酒家 (已結業)

朋友生日話想食呢度嘅蓮蓉西米焗布甸, 所以再一次o黎呢度懷舊嘅酒家. 鳳城炸粉果 - 炸粉果我相信呢度都係數一數二好味道既, 即炸蝦粉果, 跟上湯唔怕會太熱氣, 正! 乳豬拼生腸 - 呢個sell 係蔡瀾介紹喎! d 乳豬真係脆同熱, 又唔太肥都唔錯. 生腸多數食潮州嘢先食, 不過都唔差, 可惜肥咗d. 鍋貼蝦 - 蝦下面加多士, 不過個多士比較油, 錯咗dd. 冬瓜茸羹 - 以為d 冬瓜肉真係磨茸嘅添, 原來只係冬瓜絲, 味道ok啦! 八珍豆腐 - 一個素嘅豆腐, 有芽菜, 雲耳, 白果...等等. 都唔錯嘅餸. 炸子雞 - 隻雞中間見到d 血, 好似唔係好熟咁..... 蝦醬鮮魷炒通菜 - 蝦醬味恰到好處, 鮮魷份量多, 不過d 水通菜就一般. 咕嚕肉 - 大大件嘅肉, 不過肥咗d, 感覺有d 漏. 大良炒牛乳 - 感覺似賽螃蟹, 牛乳味濃, 送飯或者粥會比較好, 如果唔係, 感覺會鹹咗d. 蓮蓉西米焗布甸 - 又係已經少地方會做嘅一個甜品, 面層焗到有少少焦黑, 白蓮蓉唔太甜, 好味!