紅橋 (已結業)

紅橋都食過幾次啦，今次又黎幫襯。7點度去到，唔洗等就有位，但好快就full 咗。餐牌又唔同咗，跟餐有湯，沙律同嘢飲。湯有中西湯，中湯有少鹹，西湯粟米味濃郁，好飲。鴨胸沙律，夠多醬， 鴨胸都整得淋，好食。今次叫咗豬扒餐同牛肉焗飯。豬扒甜甜的，有落蜜糖，蛋包飯大大舊，飯入面都有撈蛋汁，好食又開胃。個焗飯就大大失敗！！芥末無味都算，成碗嘢超酸，真係唔知自己食緊咩。只能話，創新都要睇吓夾唔夾，呢個牛肉飯就好明顯係失敗之作。