輝記雞粥檔

營業中

休息中

最近都懷疑自己係咪大食左，而家好似每日食緊5餐,比人哋多咗下午茶同宵夜🤣今日其實明明食咗一餐好豐盛嘅晚餐，但個肚好似呼喚緊我好想去食粥。於是去咗旺角一條小巷，一間50年老字號粥鋪。今次我哋叫左燒鴨粥雞肉粥同豬潤腸，其實佢個粥真係好有料，燒鴨粥繼續真係好有鴨嘅味道，懷疑緊佢係咪真係淆咗好多個鐘，個雞肉粥又係，用料10分豐富，啖啖肉😋個腸粉又係，完全唔係平時食開嗰啲一卷卷，我覺得有啲乾爭爭，感覺反而似真係細細個嗰隻拉出嚟腸粉，口感超好。其實都唔係第一次食，但係每次食完都留低好深刻嘅印象，令到我成日都想快啲去下一次。