room 3

營業中

休息中

臨近新一年，約咗朋友飲下野chill 吓，去咗一間有情調的酒吧。裝修非常之有格調，燈光暗暗而且非常浪漫，落地玻璃，鏡、水晶燈，好有style。好啱三五知己或情侶飲吓嘢聚吓腳。坐低已送上兩杯welcome drink，俾我哋放鬆一下心情，先習慣個環境，再點嘢食叫咗兩杯signature drink Levitating CLoud Ananas Epice兩杯也是果味比較重的，一杯芒果，一杯用菠蘿做主題加上冧酒，清新易入口。叫了一些串燒雞肝好感獨特，久唔久食一次都OK。日本大蔥雞肉大蒜味濃郁襯托雞肉，夾埋一齊食好Match。芝士魚餅熱辣辣即制上枱，魚餅外層鬆化，內裏芝士熱辣辣還有流心。免治雞肉配日本溫泉蛋是人手做的，肉汁豐富，配上日本溫泉蛋，口感幼滑。厚燒牛舌用咗黑椒，鹽燒等等調味料去除腥味。白鱔燒得好香口，白鱔質地煙靭，新鮮。炸池魚仔炸到脆卜卜，送酒一流。炸雞件不過不失，如果可以鬆化少少和多點肉汁就更加好了。翠玉瓜燒得啱啱好，唔會太燶。秋葵燒得唔錯，食得太多肉類，加點蔬菜類均衡一下。雞皮餃子用咗雞皮做餃子皮，特別Juicy鬆化，也是久唔久食一次都OK。