影片
更多
2019-02-27
887 瀏覽
剛搬到附近，早上6時肚餓，人生路不熟只好上呢到尋求協助。見到呢間食店近近地，評價頗高，隨即穿上拖鞋就去。去到食店，有兩大叔食飽打緊牙骹，見到我便打量一番，我也懶理找個背對住佢地既位坐下。員工肥姐姐也不著急，望了我一眼便繼續佢同廚房哥哥既話題，聽口音猜佢係廣東人，同譚仔啲姐姐唔同，聽了幾句，把握佢句子與句子之間既抖氣位大嗌一聲：「唔該寫野，要碗肉丸魚片粥。」我記得呢間專食魚粥，也貪心想試埋肉，實行一雞兩味。肥姐姐也好有效率望都唔望我一眼就向廚房大叫：「丸片！」有時候覺得呢類型姐姐也幾有趣，雖然不太禮貌，卻十分地踎小店。「肉丸魚片粥$43。」不足一分鐘肥姐姐端上一碗熱粥，意料之外的快，令我質疑自己對生滾粥既認知，不過餓到咕咕聲，食左先講。將擺碟豪邁既生菜浸落粥水度既時候，見到兩棵葱既莖白雪雪、粗壯地拖在碗內，而不是綠油油的葱，又長知識了。緊記住大家在評論中提及「熱辣辣」，小心翼翼的我只輕輕瓢了一細口粥水，放到嘴邊吹吹，沒有飄香，遞到唇邊感受一下熱度，有點熱但是放得入口的溫度（本人貓舌，怕熱食），對喜歡熱辣辣的人來說可能恐怕不過癮。入口後粥感適中，不像潮州粥（有些人叫潮州冷飯）般「傑撻撻」，
去到食店，有兩大叔食飽打緊牙骹，見到我便打量一番，我也懶理找個背對住佢地既位坐下。員工肥姐姐也不著急，望了我一眼便繼續佢同廚房哥哥既話題，聽口音猜佢係廣東人，同譚仔啲姐姐唔同，聽了幾句，把握佢句子與句子之間既抖氣位大嗌一聲：「唔該寫野，要碗肉丸魚片粥。」我記得呢間專食魚粥，也貪心想試埋肉，實行一雞兩味。肥姐姐也好有效率望都唔望我一眼就向廚房大叫：「丸片！」有時候覺得呢類型姐姐也幾有趣，雖然不太禮貌，卻十分地踎小店。
「肉丸魚片粥$43。」不足一分鐘肥姐姐端上一碗熱粥，意料之外的快，令我質疑自己對生滾粥既認知，不過餓到咕咕聲，食左先講。將擺碟豪邁既生菜浸落粥水度既時候，見到兩棵葱既莖白雪雪、粗壯地拖在碗內，而不是綠油油的葱，又長知識了。緊記住大家在評論中提及「熱辣辣」，小心翼翼的我只輕輕瓢了一細口粥水，放到嘴邊吹吹，沒有飄香，遞到唇邊感受一下熱度，有點熱但是放得入口的溫度（本人貓舌，怕熱食），對喜歡熱辣辣的人來說可能恐怕不過癮。入口後粥感適中，不像潮州粥（有些人叫潮州冷飯）般「傑撻撻」，也不像東北粥（稀飯）般「稀撈撈」，濃稠度得宜，有幾粒未完全溶化的米花，與「綿」又是不一樣的感覺。夾起了一片魚片，斷估師傅刀功非凡，鯇魚片小巧玲瓏，連粗莽大漢也會想憐香惜玉，生怕貪婪的舌頭會過份揉糷矜貴的她。用「她」去形容甚為貼切，因為她除了嬌小，還滑溜（就本身鯇魚肉質來說），沒有強烈魚腥（本來淡水魚較腥），對我呢個怕腥的人已經算過關了。再試肉丸，一口一粒的大小， 應該不止是將豬肉剁膠，還加了其他元素，簡單啲講，味道像豬肉版牛肉球。
不經不覺吃到尾聲，份量如提倡吃飯要七分飽的學者般健怡，但值得欣賞就是餸既比例係三分一。整體來說係比較好的粥，你話係唔係一試就如大部分評論般「搵到初戀嘅感覺」，咁我又覺得佢哋嘅初戀十歲已經開始兼完埋，最理想既初戀理應在情竇初開的十幾歲花樣年華裡盛放，叫你一輩子念念不忘。這碗粥對我來說只是遇到個印象不錯的人，稱不上朋友，可能在某天聽到某人話佢喜歡蔡楓華，你才突然想起那個他好像也喜歡蔡楓華，然後，就繼續傾返原本既話題。
打到呢到，半小時，我又餓了，落便利店求祈買啲野食下。
#發現原來好多人對好好食既標準都幾寬容
#我係嘴刁
#字裡行姦
#懂不懂我的黑色幽默
#有啲位曲到圓
肉丸魚片粥
$43
81 瀏覽
1 讚好
0 留言
題外話：
張相雖然話要食熱野，
但係最終唔夠熱治唔到鼻敏感。
唔好問我點解食熱野（暫時性）止到鼻敏感，
因為我都唔知，
總之喺我身上係work。
張貼
