Lab Made 分子雪糕專門店 (已結業)

首先必須講明呢個好評係有一定既感情分加左入去,味道未必係你想像中咁好食記得第一次食既時候仲係讀緊書,對於一個學生黎講40幾50蚊一杯雪糕真係好貴,唔知係咪咁,食落特別滋味。從來對雪糕既印象就係軟而滑,有幾分人造香料既味道,呢間分子雪糕帶來了不一樣的口感,口味隨季節變化,中秋有月餅味,夏天有糖水口味,都幾新鮮。後來開左係尖沙咀,去食就更多方便了,試過幫左朋友一個大忙,叫佢請食呢間雪糕就可以了。好耐冇食,睇到佢即將結業既消息,都立即去食多次,好似唔係以前既味道了。經典既海鹽牛奶脆脆,由一開店已經有呢款,應該係暢銷口味之一吧。以後都未必有機會食啦,回憶湧上心頭,謝謝你曾經帶給我們的那些美好。