IS Café (已結業)

逢星期一返工都有種失落感，諗定放工去食個自助餐；為辛勞的一星期打打氣。近近地選擇了這間酒店；見網上訂座送25里；又係里數餐廳，星期一仲可以一蚊一里，好抵呀！以自助餐來講食物選擇係失望的。最多的就是蝦及蜆。分別在冷盤、熟食及即煮海鮮區都出現。熟食選擇亦不多。食極都係蝦同蜆。基本的沙律及刺身都有。冷盤中；這個長腳蟹最多人食；可惜質素唔得。肉係莓的、明顯不新鮮。呢個位置主要是蒸魚及炒蜆交替換的。可惜魚出一爐，不消一分鐘就連骨被掃清。之後等極呢盤蜆都唔消失，我想食下魚都無機會。其實酒店更換食物速度都好快，我都唔明白d人點解要拎度一座山的蟹腳、涷蝦等；完全是搶食世界；難道真係餓左一日先去食呢餐晚飯嗎？完全冇諗下後面排隊既人感受！整體來講；食物味道合格、最不滿意的就是食客間這種要搶食的行為。我就不會再有下次了。