影片
更多
2018-07-08
286 瀏覽
近日網上廣泛宣傳星巴克旗艦店，呢日經過銅鑼灣，順道嚟朝下聖， 原來係利園新開嘅第三期，係利園一期落客/的士站方向嘅對面。正門就有個類似bar area，有餐牌order唔同嘅咖啡，如果要食物就到右手邊嘅另一個counter，比一般分店多好多選擇，自選沙律，pancakes等都有，嗰邊都可以買咖啡，但如果只買飲品就最好去番正門口嗰邊，冇咁多人。唔太肚餓，今次就只係嚟飲下野，除咗一般分店有售嘅咖啡外，呢度仲有Lee Garden Three Exclusive嘅，仲有啲加有雪糕。見佢有Nitro Brew Coffee，而家市面越來越多有售，嚟到就想試下Starbucks嘅，仲竟然哂可以揀有埋雪糕嘅，啱哂悶熱嘅天氣。呢度同平時唔同，Order咗之後佢會畀個牌你，然後自己搵位，會有人將你嘅食物同飲品送過嚟。另一特別之處就係任何飲品都會配上一小杯清水，同埋同一個木盤裝住，好別緻，我見其他人叫較普通嘅咖啡時，仲會配一片曲奇，呢啲真係比佢嘅一般分店有心思。講番我試嘅Nitro cold brew float，首先比起一般咖啡，Nitro Brew 感覺滑啲同清爽啲，加埋奶同雪糕都唔會好滯，係品嚐香
正門就有個類似bar area，有餐牌order唔同嘅咖啡，如果要食物就到右手邊嘅另一個counter，比一般分店多好多選擇，自選沙律，pancakes等都有，嗰邊都可以買咖啡，但如果只買飲品就最好去番正門口嗰邊，冇咁多人。
唔太肚餓，今次就只係嚟飲下野，除咗一般分店有售嘅咖啡外，呢度仲有Lee Garden Three Exclusive嘅，仲有啲加有雪糕。見佢有Nitro Brew Coffee，而家市面越來越多有售，嚟到就想試下Starbucks嘅，仲竟然哂可以揀有埋雪糕嘅，啱哂悶熱嘅天氣。
呢度同平時唔同，Order咗之後佢會畀個牌你，然後自己搵位，會有人將你嘅食物同飲品送過嚟。另一特別之處就係任何飲品都會配上一小杯清水，同埋同一個木盤裝住，好別緻，我見其他人叫較普通嘅咖啡時，仲會配一片曲奇，呢啲真係比佢嘅一般分店有心思。
講番我試嘅Nitro cold brew float，首先比起一般咖啡，Nitro Brew 感覺滑啲同清爽啲，加埋奶同雪糕都唔會好滯，係品嚐香醇咖啡豆嘅另一享受。另外，本來我怕雪糕好快就會溶哂係杯咖啡度，用伴隨嘅匙羮一試，原來雪糕球係預先用冰包住，所以即使過咗一陣都未溶，真係有心思之作，當然，當我弄開咗那冰膜就開始溶快咗喇。
Nitro cold brew float
$66
109 瀏覽
0 讚好
0 留言
呢度除咗有唔少二三人枱同大長枱外，中間仲係一個bar枱，平時坐厭咗細枱嘅我當然唔放過要坐下bar枱啦，眼前放住唔同嘅咖啡用具同咖啡豆，仲不時有人係面前調咖啡。
望住呢啲靚靚器皿感覺都特別歎.......
即使係平日嘅下午，呢度都要啲時間先搵到位，如果想同朋友嚟傾下計，最好係臨近食晚飯間或之後嚟會好啲。
同埋要留意係，因為呢度比較大，order完後要佢吔係"茫茫人海"中搵番你坐嘅位置會需要啲時間，要耐心等候呀！
張貼
