金記冰室 (新都城中心二期) (已結業)

同事搬屋，搬去將軍澳新都城，幾個要好的同事都來幫忙，完成後就去附近商場食飯，同事話我哋去開嘅金記冰室入咗嚟開分店，就去食飯吧！餐廳出名嘅銀牙肉絲炒麵，唔係成日有，好多時都賣晒，今日好彩有，當然即刻點嚟食。金記做得好特別，炸麵底成個山咁高，份量超大，口感重超香脆，拌以韭王、銀芽、 肉絲和芡汁，是我食過最好的肉絲炒麵，而且個汁分開上，食耐咗啲汁都唔會浸林啲麵。芝士鮮茄焗炸雞髀意粉，雞髀炸得香脆，鮮茄厚切放在意粉上，加上芝士和茄汁的醬汁焗出來，又香又美味！鮮茄濃汁焗豬扒意粉，豬扒厚切又大片，肉質軟嫩鬆化，肉汁更豐富，濃濃的茄醬沾滿每條意粉，美味可口！星洲炒米有鑊氣夠大碟，加入咖喱炒而呈現金黃色。搭配火腿、蝦仁、蛋絲等配料，味道濃郁而微辛。蝦仁炒蛋飯，蝦仁爽口，蛋香滑。