黃金燒味 (已結業)

朋友係灣仔番工，佢經過見到有間新開既燒味店，我就同左佢去，燒味係久不久就會想食的，始終是港式獨有的味道。我地叫左個黃金四寶飯 $98，平時四寶飯係叉燒、雞翼、紅腸、咸蛋，呢個既招牌黃金四寶有黃金燒鵝、化皮乳豬、肥膿腩叉、酒香汾蹄，果然如別不同，每款燒味都有自己獨有的醬料，點一點更好味，燒味好吃因爲有肥膏，吃多有點膩，但配酒香汾蹄，可以解一解肥膩感。配老火湯及骨湯浸時蔬一碟，時蔬係蠔油生菜；另外可選白飯、河粉、瀨粉、米粉、米線，我揀左米粉，粉配燒味其實都好夾，米粉的湯有點肉骨茶的味道，最後送熱飲，凍飲/汽水+3，夏日特飲+$8，我就揀左夏日特飲既鹹檸七。另外朋友揀左住家燉湯餐 $108，可以揀乳豬或燒鵝拼多一款燒味，佢就揀左乳豬同爽滷豬生腸，橙色既豬生腸真係超好味，凍食的份量都好多，佢就揀左配飯。呢個餐一樣有配骨湯浸時蔬同湯，湯就有點不同係係淮山杞子螺頭燉雞湯，味道好濃，有桂圓肉既甜味，最後飲左檸檬利賓納，個杯係鋼，特別保冷。