水門雞飯 (百宜樓) (已結業)

今日晏就同嗰同事一齊見完個客，諗住一齊喺尖沙咀食個Lunch，見到咁啱網上有介紹過嘅水門雞飯餐廳，冇諗咁多就衝左入去食啦😂😂因爲真係太肚餓。入到去嘅時候，比我感覺係成間餐廳都好白好乾淨😂，望上去會見到一啲舊式風扇，再望到廚房入面掛出嚟嘅雞，隻隻都好肥美☺☺。坐咗一陣之後...我哋就叫咗一個秘汁泰式生蝦🦐、水門雙拼雞飯🐣，同埋海鮮冬陰公湯金粉，仲叫左杯泰式奶茶同一杯特飲，至於個名叫咩就忘記咗啦🙈。首先嚟到嘅係秘汁泰式生蝦，識食泰國嘅嘢就一定會叫呢樣菜式。呢間嘅生蝦好新鮮，食落好鮮甜，同埋隻隻都有一定嘅Size，加埋去秘製嘅醬汁絕對加分同抵食😋😋之後我叫嘅水門雙拼雞飯都到咗啦，可能太肚餓嘅關係，我覺得飯嘅份量有啲唔足夠🙈🙈，但係雞方面就冇問題，兩種唔同嘅口感，唔會食食下食到好厭嘅感覺，同埋啲雞真心滑🤪🤪至於我朋友就叫咗個冬陰公湯金粉，湯底方面可能用咗冬陰公，所以會偏辣少少🌶🌶，但係裡面嘅海鮮絕對夠份量，唔會偷工減料，同價錢成正比。順帶一提！呢度嘅飲品可以帶走㗎，唔需要驚飲唔晒😈😈😈，大家不妨去試下啦，真係唔錯的！