美心鐵路快餐廳 (已結業)

叉燒飯，叉燒乾鞋硬有齊，少一點牙力都趙唔到呢，豬肉味及蜜糖味係有既，但肉汁乾涸，柴皮一樣，再加上濕淋淋既爛白飯，真係幾難哽，為免浪費食物都要硬食架喇，叉燒食晒，飯食剩左三份一要放棄。鹽香雞飯，又係比雞翼同背脊，雞皮滑溜肥美，但骨杉杉無肉食，您估我叫雞皮飯咩。白飯依舊又濕又難，女神只能食到少少乍。最後我地都係諗住是但爬幾啖頂頂肚，睇完郭富城演唱會先再去食宵夜啦。美心快餐店食燒味飯都要 HKD36 蚊，太貴麻 ﹗街市仲係 HKD20 個飯盒連罐汽水雙併燒味飯乍，我寧願加多廿蚊係紅磡、灣仔食個雙髀飯仲好抵食 ﹗不過就算依家又貴又唔好食，依然大排長龍廿幾三十人源源不絕，可能附近無咩餐廳選擇，而且郭富城近日開演唱會，多左好多人走黎紅磡火車站呢。