影片
更多
2017-07-25
1850 瀏覽
難得放假今次帶媽媽黎銅鑼灣行街，順道飲茶，之前食過觀塘分店幾好食，今次決定試吓銅鑼灣分店。裝修一樣都係咁高貴，連洗碗個兜都靚過人。😚菜單上好多唔同菜式，點心選擇多，簡左幾款都係媽媽想食嘅。台式鴨舌 $60辣辣地幾過引，舌頭多肉，口感豐富。外型好似弩箭🤠馳名懷舊炸蟹鉗 $30/1 x2見媽媽咁想食就點了，外表酥脆，內裡蟹肉充滿彈性，配埋酸甜醬食夠哂開胃。香煎蓮藕餅 $18肉餅係用咗鯪魚肉，配上粒粒蓮藕碎，夠哂彈牙。宮廷薑汁糕 $26呢個係媽媽至愛💕，薑汁糕甜度剛好，千層嘅口感，同煙煙韌韌嘅感覺，加上微辣既薑味，真係好食。鮮人蔘淮杞燉雞湯 $48平時返工咁忙，加上好少時間係屋企食飯，所以揀咗個燉湯，滋潤一下。濃烈嘅蔘味，滿滿既雞件，湯料足，味道夠，為下午劃上完美既句號。茶方面我哋叫咗鐵觀音，呢度既茶不俗，比起一般酒樓好飲得多，食物也不錯，係帶屋企人去飲茶嘅不錯自選。
裝修一樣都係咁高貴，連洗碗個兜都靚過人。😚
菜單上好多唔同菜式，點心選擇多，簡左幾款都係媽媽想食嘅。
台式鴨舌 $60
辣辣地幾過引，舌頭多肉，口感豐富。
外型好似弩箭🤠
馳名懷舊炸蟹鉗 $30/1 x2
見媽媽咁想食就點了，外表酥脆，內裡蟹肉充滿彈性，配埋酸甜醬食夠哂開胃。
香煎蓮藕餅 $18
肉餅係用咗鯪魚肉，配上粒粒蓮藕碎，夠哂彈牙。
宮廷薑汁糕 $26
呢個係媽媽至愛💕，薑汁糕甜度剛好，千層嘅口感，同煙煙韌韌嘅感覺，加上微辣既薑味，真係好食。
鮮人蔘淮杞燉雞湯 $48
平時返工咁忙，加上好少時間係屋企食飯，所以揀咗個燉湯，滋潤一下。
濃烈嘅蔘味，滿滿既雞件，湯料足，味道夠，為下午劃上完美既句號。
茶方面我哋叫咗鐵觀音，呢度既茶不俗，比起一般酒樓好飲得多，食物也不錯，係帶屋企人去飲茶嘅不錯自選。
張貼
