悠蔬食 (渣甸中心) (已結業)

呢日係仔仔生日，佢話要食素食，我當然say yes啦！即刻上Open rice 睇，揾咗幾間比佢簡，佢話呢間佢同朋友食過Lunch……唔錯。我都有睇食評，讚多過彈，睇裝修圖片，仲好舒適。於是，決定booked 呢間。我哋四個人，滿有期待……食晚餐。睇圖片唔知原來地方咁細，不過，都算雅置，坐位算舒適，最特別……係……洗手間，寬敞之餘，平時只會有抽氣扇，呢度除咗有抽氣之外，仲有部好新淨嘅……日立小涼拌冷氣，值得一讚！至於，食物賣相、味道、質素，比較平平，可能睇到好多讚得好好，期望高吧！又唔知係唔係……呢排社會氣氛影響，大家都冇心情吧！總之，似預期啦。最令我開心推介係……黑松露忌廉湯，真心好味！