Interval | Farmacy (數碼港商場) (已結業)

放假得閒同隻狗仔出去做運動散步，散完步打算食個飯，難得呢間餐廳可以帶埋寵物一齊食xdd👍🏻👍🏻💯呢間餐廳位於數碼港商場，都幾易搵到，我住港島區就更加近，行一陣就找到。環境好別緻，簡約乾淨。手工柴火蒜蓉包，蒜蓉味香濃，離遠都已經聞到陣香味啦～～🤤真係流曬口水😂😂蒜蓉包有一定既厚度，烘焗後有外脆內軟既雙重口感～👅羅勒蕃茄手工細麵，手工麵條的確滑d，番茄醬同番茄都好鮮甜，so fresh。食材新鮮，羅勒蕃茄夠曬入味～～至於油封三文魚，係三文魚腩部份，油脂豐富，口感好滑。平時三文魚就食得多，油封三文魚都真係第一次食，做法同味道都好特別。三文魚豐腴可口，配以番紅花薯仔及酸忌廉，味道互相平衡。乾式熟成薄切油甘魚，新鮮爽口，薄切令油甘魚更加入味。