Oldish (裝修中)

今日喺上環做完嘢，咁啱友人喺澳門落船返到上環呢邊，所以即興約佢試食呢一間café ✨我哋大約12點15去到呢間餐廳（餐廳營業時間為12點），但係去到嘅時候已經有兩枱客人享用緊佢嘅brunch🤤🤤餐廳環境非常舒適，我同友人被安排坐喺餐廳中間嘅位置上。我哋兩個打對面坐，雖然張枱嘅距離有啲長，但係坐得好舒適，傾得好開心😀餐廳亦都提供類似bar枱望街景嘅位置，位置同樣舒適，如果有下一次，我都希望可以坐到嗰啲位置上面用餐。店員亦都好貼心咁樣為我哋倒咗兩杯檸檬水，同時附上餐具。