影片
更多
2019-07-06
84 瀏覽
今日係同女朋友慶祝嘅日子，女朋友一向鍾意周圍搵好野食，打下卡咁，前排有個梵高展，佢日日都嘈住話要去，今日帶佢黎梵高餐廳岩曬！去到1881，維多利亞式嘅建築物係由古蹟改建而成！女朋友見到已經好開心，不停影相，然後就到戲玉。我話帶佢去一間好有氣氛嘅餐廳。一入到餐廳見到好多梵高嘅產品，直望係蛋糕店！轉右直入就係餐廳嘅範圍，一入到去我好慶幸揀左呢間餐廳做紀念日慶祝嘅地方！餐廳中間有個吧台，旁邊嘅LED螢幕播住梵高嘅名畫，牆身有花朵嘅裝飾，氣氛好浪漫！女朋友當然好滿意啦！餐牌上嘅主菜有2個選擇:我同女朋友決定兩樣都揀，可以試多啲野食!餐前麵包有3種，唔試曬咁多，留反個肚食好野！第一道菜:Tuna Scallop Ceviche鮮甜嘅帶子下面係類似他他嘅菜式，加左蕃茄粒，青瓜等蔬菜，食落好清新，仲好開胃，作為第一道菜，滿分！第二道菜:Sweet Corn中間係炸得剛好嘅蟹鉗，唔會乾爭爭，餐廳做法係先上蟹鉗同蔬菜，濃郁嘅忌廉再用菜壺倒落你嘅碟到，熱辣辣又可以俾女朋友打卡！主菜1:French Brill個皮煎得好香口！但啲肉依然咁嫩！上面仲有燒章魚！章魚一啲都唔韌，唔好當佢伴碟，記得食埋佢啊！主菜2
去到1881，維多利亞式嘅建築物係由古蹟改建而成！女朋友見到已經好開心，不停影相，然後就到戲玉。我話帶佢去一間好有氣氛嘅餐廳。一入到餐廳見到好多梵高嘅產品，直望係蛋糕店！轉右直入就係餐廳嘅範圍，一入到去我好慶幸揀左呢間餐廳做紀念日慶祝嘅地方！餐廳中間有個吧台，旁邊嘅LED螢幕播住梵高嘅名畫，牆身有花朵嘅裝飾，氣氛好浪漫！女朋友當然好滿意啦！
餐牌上嘅主菜有2個選擇:
我同女朋友決定兩樣都揀，可以試多啲野食!
餐前麵包有3種，唔試曬咁多，留反個肚食好野！
第一道菜:Tuna Scallop Ceviche
鮮甜嘅帶子下面係類似他他嘅菜式，加左蕃茄粒，青瓜等蔬菜，食落好清新，仲好開胃，作為第一道菜，滿分！
第二道菜:Sweet Corn
中間係炸得剛好嘅蟹鉗，唔會乾爭爭，餐廳做法係先上蟹鉗同蔬菜，濃郁嘅忌廉再用菜壺倒落你嘅碟到，熱辣辣又可以俾女朋友打卡！
主菜1:French Brill
個皮煎得好香口！但啲肉依然咁嫩！上面仲有燒章魚！章魚一啲都唔韌，唔好當佢伴碟，記得食埋佢啊！
主菜2:Quail Breast
烤鵪鶉胸，其實係咪即係乳鴿？我都唔知，淨係知道好！好！食！好嫩好嫩，但個皮係好脆，絕對無over cooked!中間有個類似酥餅嘅入面有肉碎，中規中矩。
最後嘅甜品ineapple Panna Cotta
意式奶凍唔太甜，唔中意食甜野嘅我都食得曬！
Set Dinner 仲有Coffee or tea跟埋，聽到職員介紹最有名嘅Sunflower 同Blueberry Kiss,二話不說就呢2個啦！個人感覺更喜歡Sunflower茶香重啲，Blueberry Kiss嘅茶壺係紫色，女朋友見到當然。。。你懂的！
如果中意佢嘅茶，餐廳出面有得買，可以買反去日日飲！
呢餐飯氹得我女朋友好開心！環境食物同職員3方面都好滿意！
1 瀏覽
0 讚好
0 留言
張貼
