影片
更多
2012-07-14
711 瀏覽
今日預早慶祝父親節, 之前多數都係食中菜為主, 今次要改變一吓.繼上次試過呢間日本菜館後念念不忘, 一於就同父母親一齊品嚐.因為驚無位, 所以早成個幾星期前已經訂定枱, Book 7:30pm, 4位, 要兩小時內交枱.當天係星期五, 晚上 7:30 上到去人客已經半滿了,我估唔定枱 wake-in 的話都真係會無位.食咩當然比主角話事, 但得到預計中的答案: "仔, 你點啦"好啦, 咁就由我揸棋啦.因為上次食咗牛腸鍋, 而且又怕牛腸對父母來說唔太易消化, 所以今次要咗相撲鍋 (豬骨湯底), 另加雜炊相撲鍋份量真係有番咁上下, 而且鍋內的款式都唔少, 有魚, 蝦, 豬肉片, 豆腐及豆腐乾, 大蔥, 金菇, 冬菇料多量多當然好, 味道又如何呢?魚嘅肉質十分滑, 就算煲好耐都完全沒有 '鞋' 口的感覺, 正.蝦因為得兩隻, 所以 '扮孝順' 比咗父母每人一隻,但知道一定唔係 '梅' 的.豬肉片, 開頭睇餐牌時母親有啲怕, 因為張相影到啲肉好肥 (肥瘦比例1:1), 好在, 上枱後並不是這樣 (肥瘦比例1:3), 而且肉質好有咬口唔'痴'牙, 好.另外啲配菜都係正常嘢, 唔差易不是突出.最後
繼上次試過呢間日本菜館後念念不忘, 一於就同父母親一齊品嚐.
因為驚無位, 所以早成個幾星期前已經訂定枱,
Book 7:30pm, 4位, 要兩小時內交枱.
當天係星期五, 晚上 7:30 上到去人客已經半滿了,
我估唔定枱 wake-in 的話都真係會無位.
食咩當然比主角話事, 但得到預計中的答案: "仔, 你點啦"
好啦, 咁就由我揸棋啦.
因為上次食咗牛腸鍋, 而且又怕牛腸對父母來說唔太易消化,
所以今次要咗相撲鍋 (豬骨湯底), 另加雜炊
相撲鍋份量真係有番咁上下, 而且鍋內的款式都唔少,
有魚, 蝦, 豬肉片, 豆腐及豆腐乾, 大蔥, 金菇, 冬菇
料多量多當然好, 味道又如何呢?
魚嘅肉質十分滑, 就算煲好耐都完全沒有 '鞋' 口的感覺, 正.
蝦因為得兩隻, 所以 '扮孝順' 比咗父母每人一隻,但知道一定唔係 '梅' 的.
豬肉片, 開頭睇餐牌時母親有啲怕, 因為張相影到啲肉好肥 (肥瘦比例1:1),
好在, 上枱後並不是這樣 (肥瘦比例1:3), 而且肉質好有咬口唔'痴'牙, 好.
另外啲配菜都係正常嘢, 唔差易不是突出.
最後要講就係個湯底啦, 如果淨計個湯底就冇野可以投訴,
但可惜一加埋個雜炊, 結果就偏咸了.
另外叫番上次好好味的南蠻炸雞 (大)
有五大件, keep 到上次好好味的感覺,
肉質嫩滑加上有肉汁, 而且無肥膩及油淋淋的感覺, 下次再嚟一定再叫.
雜錦串燒
點可以唔叫串燒呢, 上次食小size的 (五款),
今次人多要了大size的 (八款), 味道不過不失.
烤榮螺, 見好多人都會叫, 加上好多食友都比手指公, 今次一於試吓
螺肉上枱時已經切好一片片放番係殼內, 加上酒及醬油混和的汁一直滾住
個人覺得, 醬汁香味十足, 螺肉質地爽口, 但可惜係食唔到螺本身嘅鮮味.
鐵板牛腸
雖然無叫牛腸鍋, 但都試吓其他嘅牛腸菜式,
醬汁加上九菜同洋蔥炒出嚟嘅味道, 香口惹味, 用嚟伴酒一流,
可惜牛腸啲膏少咗啲
海鮮沙律
當然要叫啲菜類啦, 有不同的角切魚生, 加上蕃茄及大量白蘿蔔條,
感覺清新, 尤其係唔太 like 白蘿蔔的小弟都不停夾嚟食,
皆因白蘿蔔條好爽甜, 又無根, 好似食緊水晶梨咁樣, Good.
呢一餐只需 $711 (連加一), 同平時去中菜館食飯價錢相近,
雖然父母親都係鍾意中式多啲, 但有時試吓其他嘢都係唔錯嘅選擇.
當然, 佢哋最開心當然係一家人一齊食飯啦.
父親節快樂.
題外話/補充資料：
當時間接近八點半左右, full house, 唔知係咪人多,
加上好多枱都食鍋類菜式, 冷氣明顯不足, [b]環境[/b]扣一分.
今天 sever 我哋呢枱位小姐十分 nice, service 又好,
而且同母親仲好好傾添, [b]服務[/b]加一分.
(以上食評乃用戶個人意見 , 並不代表OpenRice之觀點。)
張貼
