博多拉麵別天神 (已結業)

今晚同朋友去咗呢間"別天神"，铺面雖比較细，但食客卻人來人往，都好正架！裡面嘅拉麵款式雖然唔多，但一樣咁有日式風味，一樣咁足料！首先，我地叫咗兩個拉麵套餐，「豚骨拉麵」配料有紫菜、粟米等。湯底味道鮮味濃郁，滿有黑豚肉味道，而且大大碗，真喺可以兩個人分享一齊食添！另外，拉麵套餐可配置小食，我就叫咗一碟餃子，外皮十分爽脆，而且唔太肥，份量都可以share兩個人享用嘅！仲有叫咗「龍蝦湯豚肉拉麵」，湯底味道較濃郁，選用嘅配料亦豐富，價錢合宜，唔算太貴，而且拉麵都好彈芽，值得一試架！還有特別嘅係，每款日式拉麵都配有溫泉蛋，除左賣相吸引，味道亦唔錯呀！