影片
更多
2010-10-28
13 瀏覽
27-10-2010以往參與的「飲茶」活動 10 次有 9 次都係應酬飯局,「條件反射」下對「飲茶」一直毫不熱衷, 是日一條友食 lunch 卻忽然好想食腸粉及蝦餃 好在 Patio 舊址 (http://www.openrice.com/restaurant/commentdetail.htm?commentid=2030094) 開了「添好運式」的點心店, 又過嚟劃 3 款點心試試.豉汁蒸鳳爪 ($14): 醬汁夠味又 as expected 地油 , 不過鳳爪就幾唔入味, 食落亦唔夠腍身及膠口,「損」得唔夠過癮.聚點坊鮮蝦餃 ($18): 掛住食鳳爪, 搞到蝦餃有時間食時已攤凍不少, 真失策 餃皮幾厚, 食落亦較「粉」; 蝦膠餡尚算爽口, 鮮味一般亦較乾, 筍絲就似有還無, 麻麻哋好食. 不過 $20 有找一籠有 4 隻, 質素都算係咁吧.黃沙豬膶腸 ($18): 腸粉皮拉得唔算好薄, 但食落滑溜又有米香; 中間的豬膶就好好食, 蒸得剛熟, 食落爽口無澀味, 配上甜豉油同吃, 勁快清碟 比起厚顏蝦餃, 呢個好食得多, 值得試試.食物一分錢一分貨, 地方狹小但十
27-10-2010
以往參與的「飲茶」活動 10 次有 9 次都係應酬飯局,「條件反射」下對「飲茶」一直毫不熱衷, 是日一條友食 lunch 卻忽然好想食腸粉及蝦餃 好在 Patio 舊址 (http://www.openrice.com/restaurant/commentdetail.htm?commentid=2030094) 開了「添好運式」的點心店, 又過嚟劃 3 款點心試試.
豉汁蒸鳳爪 ($14): 醬汁夠味又 as expected 地油 , 不過鳳爪就幾唔入味, 食落亦唔夠腍身及膠口,「損」得唔夠過癮.
聚點坊鮮蝦餃 ($18): 掛住食鳳爪, 搞到蝦餃有時間食時已攤凍不少, 真失策 餃皮幾厚, 食落亦較「粉」; 蝦膠餡尚算爽口, 鮮味一般亦較乾, 筍絲就似有還無, 麻麻哋好食. 不過 $20 有找一籠有 4 隻, 質素都算係咁吧.
黃沙豬膶腸 ($18): 腸粉皮拉得唔算好薄, 但食落滑溜又有米香; 中間的豬膶就好好食, 蒸得剛熟, 食落爽口無澀味, 配上甜豉油同吃, 勁快清碟 比起厚顏蝦餃, 呢個好食得多, 值得試試.
食物一分錢一分貨, 地方狹小但十分乾淨企理, 連店員們都係有求必應, 遇著麻煩食客 (e.g. 我隔嚟嗰 3 個阿嬸, 落單不久已不斷追單, 又每隔兩分鐘就叫伙計「斟茶」, 講嘢仲要大大聲及無停過, 真係人都癲...) 都好好脾氣的, 難怪 lunch hour 人山人海
連茶芥 ($2) 埋單 $52, 唔算好 impressed, 但至少比九龍城嗰間 (http://www.openrice.com/restaurant/commentdetail.htm?commentid=2012283) 好吧, 加上見對面位食的流沙包實在幾「流沙」, 有機會再來的.
張貼
