Kam's Cafe (已結業)

有一位好朋友"萍姐"師傅都好耐冇見, 難得可以相約食飯, 心情當然開心啦, 但係食飯地點就未決定, 所以師傅決定見到呢位好朋友先, 而最後地點就由"萍姐"決定!行左一輪後黎左呢間食店, 坦白講以食嘅角度黎講師傅真係唔係好相信"萍姐"嘅口味, 但鬼叫人生路不熟, 所以就入左呢間食店; 點知今日黎返呢度睇下, 發覺喊臉竟然咁多, 真係咁差咩?入到去人唔算多, 所以好易搵位; 坐底就問下"萍姐"有咩好介紹啦, 佢就介紹三色飯, 不過師傅始終投唔到佢信心一票, 所以諗過度過後決定柯打個晚餐A, 香腸拼吉列鴛鴦豬扒飯, 要左咖哩汁!等左一陣就有得食, 三色飯賣相幾吸引, 黃黃綠綠真係唔錯, 可惜師傅冇試到; 再講番師傅個晚餐A, 香腸拼吉列鴛鴦豬扒飯嘅香腸都算幾大條, 唔係普普通通嘅香腸, 皮就脆脆地都算幾好味, 而吉列鴛鴦豬扒就即係一塊係吉列, 一塊唔係, 但已豬扒嘅水準黎講並不是十分出色啫, 豬扒乾身鞋口, 並不討好; 唯一可取就係咖哩汁, 咖哩汁唔算太辣, 不過都算幾香, 送飯一流, 所以可以啦!總括黎講食物質素一般, 環境就幾好, 皆因冇咩人靜靜地, 而服務亦算友善, 價錢唔算太貴, 可