Van Gogh SENSES (已結業)

今晚終於都食到我想食好耐既Van Gogh，環境好靚而無論係侍應定係食物質素都好高!一黎到就有微暖既麵包食住先~味道都好好煙韌有咬口!我地最後決定食set dinner，唔使自己諗又食到佢出名既菜式! 第一道菜係荷蘭小牛肉配油封吞拿魚。小牛肉整得岩岩好，濃郁既牛味再加埋肉質軟滑，好易入口又冇血味。配埋煎封過既吞拿魚，第一道菜已經好有驚喜!之後就係昆布魚湯配慢煮鮑魚，魚湯係用一個好精緻既壺裝住，到上台時先淋落去，保證最新鮮熱辣就食到，唔會攤咗一陣影響口感。魚湯好鮮味同埋夠清，但又唔會無乜味!鮑魚真係好出色，口感一流而肉質爽口彈牙，一D腥味都冇!另外我地一人叫一款主菜share食。第一款係香辣番茄燉海鮮，海鮮全部都係新鮮而爽口既，不論係魷魚、蜆同埋青口都做得好好食，番茄味帶出海鮮既鮮味又唔會蓋過本身既味道，微辣既口感亦都相當開胃。第二款係紅燒羊腱，羊腱亦都係煮得岩岩好，羊肉有少少膻味但唔會太勁，肉質非常鮮嫩而且配埋個紅燒汁一齊食好好食!甜品方面有朱古力蛋糕同埋類似芒果拿破崙，兩款都好出色而擺盤好有心思，呢到既碗碟亦都非常之靚同埋優雅，另外仲有得單買返屋企用，好享受同埋舒適浪漫既晚餐!