影片
更多
2022-08-30
1193 瀏覽
近年最受小朋友歡迎嘅卡通人物都非《 角落小夥伴》莫屬！係尖沙咀「奔之食堂」為期幾個月嘅角落生物主題即將畫上句號，趕得切尾班車帶埋自家「企鵝」同「粉圓」黎打卡😚雖然已經過左頭啖湯，不過慕名而來嘅人並無減少，無訂位都等左接近一個鐘🥲 餐廳好多角落小夥伴擺設，幸運嘅話仲可以同佢地同檯食飯😍 而主題𝘔𝘦𝘯𝘶都好打卡𝘈𝘣𝘭𝘦，不過價錢真係「略水」左啲，至少𝘔𝘢𝘳𝘬 𝘶𝘱左2-3成，只能說黎得都預左係比人劏……《 炸豬扒滷肉飯 》 $118 4 / 5炸豬扒同滷肉醬都好甜，偏向台南古早風味，炸豬扒嘅粉漿唔會太厚，酥脆之餘亦保留到肉汁，米飯挺身唔痴口，整體表現唔錯 👍🏻《 企鵝？香菇素餃 》 $52/3𝘗𝘤𝘴 2.5 / 5呢個以打卡來講有啲搵笨，得支企鵝？旗仔扮下野😂 不過上菜快，餃皮幾透薄，入面餡料飽滿，係略嫌香菇太重草青味味道麻麻🤏《 角落小夥伴包 》 $118 3 / 5兩件奶皇包、兩件豆沙包、同一件白饅頭，不過每件都印左小夥伴嘅圖案即刻可愛左😛 包厚餡少，白饅頭簡直係災難級，勁乾…《 企鵝？奇異果菠蘿茉莉花茶 》 $52 3.5 / 5用奇異果同菠蘿呢個組合，還原返「企鵝？」同「粉
雖然已經過左頭啖湯，不過慕名而來嘅人並無減少，無訂位都等左接近一個鐘🥲 餐廳好多角落小夥伴擺設，幸運嘅話仲可以同佢地同檯食飯😍
而主題𝘔𝘦𝘯𝘶都好打卡𝘈𝘣𝘭𝘦，不過價錢真係「略水」左啲，至少𝘔𝘢𝘳𝘬 𝘶𝘱左2-3成，只能說黎得都預左係比人劏……
《 炸豬扒滷肉飯 》 $118 4 / 5
炸豬扒同滷肉醬都好甜，偏向台南古早風味，炸豬扒嘅粉漿唔會太厚，酥脆之餘亦保留到肉汁，米飯挺身唔痴口，整體表現唔錯 👍🏻
《 企鵝？香菇素餃 》 $52/3𝘗𝘤𝘴 2.5 / 5
呢個以打卡來講有啲搵笨，得支企鵝？旗仔扮下野😂 不過上菜快，餃皮幾透薄，入面餡料飽滿，係略嫌香菇太重草青味味道麻麻🤏
《 角落小夥伴包 》 $118 3 / 5
兩件奶皇包、兩件豆沙包、同一件白饅頭，不過每件都印左小夥伴嘅圖案即刻可愛左😛 包厚餡少，白饅頭簡直係災難級，勁乾…
《 企鵝？奇異果菠蘿茉莉花茶 》 $52 3.5 / 5
用奇異果同菠蘿呢個組合，還原返「企鵝？」同「粉圓」嘅顏色配搭😚入口清爽略帶微酸，雖然唔太飲到茉莉花茶味，但作為消暑解膩嘅夏日特飲，亦都唔錯～
整體而言，食物質素算係中規中矩，但餐廳嘅佈置就相當精美！
———————————————
🏠環境舒適度：💛💛💛💛
👅舔脷回頭度：💛💛💛
📸打卡able度：💛💛💛💛
🙇🏻♀️服務滿意度：💛💛💛
———————————————
張貼
