Mr. & Mrs. Cat & Dessert Cafe (已結業)

而家香港越開越多貓cafe，去過好幾間，最喜歡嘅要數Mr & Mrs Cat Cafe。呢日去食tea，係第一次去，環境滿分，入座前要消毒雙手、換上餐廳提供嘅拖鞋。現場見到有8隻貓咪。老闆同店員都係愛貓之人，將餐廳佈置得好似客廳，以貓咪舒適為主，有貓床、貓玩具、梯級，呢度就係貓咪住嘅地方。我哋order咗Mr & Mrs 招牌二人全日咸甜點貓衣櫥（$348），每隔一排就會出新款。個set包一款特飲，我哋揀咗凍嘅手工果茶，入面有五六種鮮果，有橙、士多啤梨、奇異果等等。個衣櫥好靚！入面放咗啲貓貓擺設，共10款食物。開胃咸點有2款：煙三文魚多士配忌廉芝士醬和意大利巴瑪火腿配蜜瓜。煙三文魚和火腿好夠味；蜜瓜好鮮甜；忌廉芝士醬份量恰到好處，唔會漏。甜點有8款！白玉紅豆抹茶雪糕奶味濃郁、茶味唔苦澀，丸子非常彈牙！綠茶牛奶醬多士個醬係特濃，好黏，一定要點多啲！香濃朱古力布朗尼脆卜卜，點下面嘅雲呢拿雪糕食，一流！廚師精選蛋糕日日唔同款，今日係藍莓芝士蛋糕，分幾層：最頂係藍莓醬，唔太甜；芝士慕斯；鬆軟的蛋糕；餅底。香鬆蝴蝶酥入面好多層，又薄又脆！焗流心芝士撻細細件，餅皮和芝士比例剛剛好。木糠布丁嘅木糠唔