影片
更多
2019-08-03
661 瀏覽
放假同閨蜜嘆下午茶，過一個休閒嘅下午。喺網上見到好多酒店都有推岀下午茶套餐，經過篩選後我哋決定去千禧新世紀酒店的the lounge，地點方便就近尖沙咀同紅磡。餐廳位於酒店大堂層，環境舒適，有唔少人同我地一樣黎享受美好嘅下午茶時光。套餐包左兩杯飲品，可自選咖啡、茶或者花茶等首先上枱嘅係熱辣辣三款鹹點。黑松露忌廉龍蝦酥盒，外皮酥脆龍蝦肉配上黑松露味道濃郁，我覺得係三款中最好食。蟹肉牛油果雲吞，入面滿滿牛油果，但食落唔太感覺到有蟹肉。蕃茄迷你漢堡，味道普普通通，唔算特別。七彩繽紛賣相好靚😍茶點中最吸引我嘅係焗鮑魚雞肉酥，撻身酥脆配上鮑魚口感一流而店員建議我哋首先食南瓜鬆餅，新鮮製作熱辣辣，配上果醬味道香甜。綠茶黑豆蛋糕，淡淡綠茶味不錯但有點乾。甜點中我最愛紅桑子朱古力忌廉蛋糕，酸中帶點微甜， 而楓糖漿合桃慕絲蛋糕味道唔係人人喜歡，甜中帶點苦澀味。甘橘球味道酸甜清新，黑加倫子慕絲蛋糕果味香濃。蟹肉沙律三文魚籽酥盒，酥皮口感有點似鳳梨酥個外皮，入面滿滿蟹肉配上一咬即破三文魚籽口感幾特別。鵝肝醬紅菜頭多士，紅菜頭帶點酸味令鵝肝醬變得容易入口。醃蘿蔔芝士卷配合桃，味道幾特別。份量實在太多，我哋兩個
喺網上見到好多酒店都有推岀下午茶套餐，經過篩選後我哋決定去千禧新世紀酒店的the lounge，
地點方便就近尖沙咀同紅磡。
餐廳位於酒店大堂層，環境舒適，有唔少人同我地一樣黎享受美好嘅下午茶時光。
套餐包左兩杯飲品，可自選咖啡、茶或者花茶等
首先上枱嘅係熱辣辣三款鹹點。
黑松露忌廉龍蝦酥盒，外皮酥脆龍蝦肉配上黑松露味道濃郁，我覺得係三款中最好食。
蟹肉牛油果雲吞，入面滿滿牛油果，但食落唔太感覺到有蟹肉。
蕃茄迷你漢堡，味道普普通通，唔算特別。
七彩繽紛賣相好靚😍
茶點中最吸引我嘅係焗鮑魚雞肉酥，撻身酥脆配上鮑魚口感一流
而店員建議我哋首先食南瓜鬆餅，新鮮製作熱辣辣，配上果醬味道香甜。
綠茶黑豆蛋糕，淡淡綠茶味不錯但有點乾。
甜點中我最愛紅桑子朱古力忌廉蛋糕，酸中帶點微甜， 而楓糖漿合桃慕絲蛋糕味道唔係人人喜歡，甜中帶點苦澀味。
甘橘球味道酸甜清新，黑加倫子慕絲蛋糕果味香濃。
蟹肉沙律三文魚籽酥盒，酥皮口感有點似鳳梨酥個外皮，入面滿滿蟹肉配上一咬即破三文魚籽口感幾特別。
鵝肝醬紅菜頭多士，紅菜頭帶點酸味令鵝肝醬變得容易入口。
醃蘿蔔芝士卷配合桃，味道幾特別。
份量實在太多，我哋兩個食唔晒最後要打包甜點。
多間銀行信用卡有折扣，我地用匯豐白金咭有八折，間唔中一次同閨蜜嘆下午茶都唔錯。
張貼
