香港郵意明信片航海主題咖啡廳 (已搬遷) 新店位置

依間cafe好有特色!除左有關主題既航海.郵件.明信片零售及擺設外,店內重有幾隻貓貓,重要係好識擺姿勢比你影相既貓貓!帶子沙律清新開胃做前菜一流!黃金蝦球,包住黎炸既唔係用粉漿,而係用味道好似春卷皮既條絲黎炸,好特別!包住既蝦膠同栗米份量都唔少!依個糯米釀雞翼要做好多事前功夫,但竟然賣得唔貴!將糯米釀係雞翼裏面,好好味!搵日我又試下係屋企學咁整先,我試下加埋冬茹粒同蘿蔔粒,不過一諗又要拆骨等等繁複功夫就...... ..... !龍蝦闊條麵,闊條麵吸盡龍蝦既精華,麵條都有龍蝦既鮮香,龍蝦肉質爽彈!成晚重點主角!!" 龍蝦咸蛋黃海膽燉飯!咁樣既配搭第一次見!我睇餐牌係後期貼上既,應該係新菜式!依個燉飯用左成隻龍蝦,簡直超值!海膽同咸蛋黃令到米飯色澤都變得金金黃黃,入口無腥味,有種甘甜係口裏面迴盪!