嘉彩酒樓 (已結業)

今晚有舊上司(四眼哥)請食晚飯, 到佢哋之前去過既屯門三聖邨嘉彩酒家, 我哋六點幾去到碼頭, 再搵佢相熟既關財記揀海鮮, 有蜆、瀨尿蝦、聖子、美國筒蠔、扁貝、中蝦及奄仔蟹等, 仲問佢哋欏料做埋海鮮湯, 然後便起行過對面酒樓開餐去先叫部長安排做法, 要了上湯蜆蚧、椒鹽瀨尿蝦、豉椒抄聖子、薑葱蠔煲、蒜蓉粉絲蒸扁貝、豉油王抄中蝦、鹽焗奄仔蟹及送的海鮮湯最好食既係鹽焗奄仔蟹, 隻蟹好多膏, 味道一流, 咁靚既材料基本上任何一間整都唔會唔好食薑葱蠔煲的蠔好大隻, 蠔味唔算太重, 而廚房調味都唔錯豉椒抄聖子係幾款菜之中最大碟的, 豉椒芡汁味道偏淡, 當食哂其他餸後再食返呢碟餸時已經好似無咩味道, 但聖子幾甜而且無沙, 所以食得開心送既海鮮做咗湯, 個湯味道唔錯, 一人有兩碗架, 由於今晚食咗咁多正嘢, 返屋企後感覺好口渴下, 睇來今晚要飲好多水先可以解一解啦最後梗係要多謝四眼哥, 並祝願年年有餐食啦