CherCher (已結業)

因為工作關係路經大角咀，在一種矮小的情況下見到一個新樓盤商場落成，華麗嘅入口同內庭吸引左入商場。就於商場一樓位置，見到開咗一間新嘅cafe。從餐廳的外貌及裝潢應該係主打少女客路，我見剛好有啲肚餓及想飲杯咖啡，於是決定嘗試一下。餐廳主要以粉紅，白，金為主色系。有室內用餐及空外露天庭園餐區。入到餐廳我第一感覺當然係少女風格，但作為一個男士，其實餐廳可以帶给我一個好chill的氣氛。下午溫暖的陽光透射入落地大玻璃，整體感覺好舒服。我點左一個大蝦意粉和一杯Americano。個大蝦意粉賣相唔錯，意粉煮得入味又唔捻，啲汁入晒味，但又唔膩，掛汁剛剛好。蝦肉亦有彈性，比想像中更好。咖啡的味道亦是我喜歡略帶酸的口味，不錯👌。我見隔離枱點左個pancake, 好似唔錯，客人亦都食晒。打算下次過開嚟再幫襯，試一試。喜歡打卡的朋友可以過嚟試吓！