BriKetenia (香港科學園) (已易手) 新餐廳

離職之後，已經好耐冇黎過科學園啦，以前舊公司係呢到，一直都想試下呢間餐廳，係科學園居然有法國米芝蓮餐廳！今日就約埋舊同事嚟試一試！以前試過食lunch外賣，今次堂食，原來都好寬躺，亦都幾有格調前菜首先係白酒煮青口，啲青口勁新鮮，亦都好入味！有白酒味，亦有少少鹹味，同青口好配，而青口亦唔會過熟，唔錯唔錯主菜我哋就揀咗食鱸魚，仲有好多瓜做配菜，例如翠玉瓜，亦有薯蓉鱸魚肉十分厚實，有厚度亦有彈力。雖然好厚但係都好彈牙，真係好考廚師嘅功力！有兩大塊，同舊同事一人一塊開心share另外都有餐湯，周打蜆湯，好creamy!最後一個主菜，我哋就揀咗紅酒燴牛面肉，好少地方食到牛面肉，幾特別！而且肉質都好鬆軟，牛味亦都好重我哋兩個女仔份量黎講 真係太多啦最後，甜品係Brownie配雪糕圓滿地將呢一餐寫上句號下次再返入嚟科學園，都要食再食多次！